Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Efan Williams
Cynhaliwyd cwrdd diolchgarwch Ysgol Gynradd Rhos Helyg yng Nghapel Rhydlwyd, Lledrod ar ddydd Mercher 16 Hydref. Daeth tyrfa niferus ynghyd i fwynhau cyfraniadau safonol gan blant yr ysgol a neges bwrpasol gan y Parchedig Nicholas Bee.
Roedd yn brynhawn hyfryd o ganu a diolch am bopeth rydym yn ei dderbyn. Mae plant Ysgol Rhos Helyg yn ddiolchgar iawn am bopeth, ac roedd pawb yn ddiolchgar hefyd am y wledd o gawl, rôls a chaws a baratowyd ar gyfer pawb wedi’r oedfa gan Miss Menna Lewis.
Gwnaed casgliad hefyd yn ystod yr oedfa, a chasglwyd y swm teilwng o £279 at Ambiwlans Awyr Cymru, elusen rydyn ni yn ardal Lledrod yn ddiolchgar iawn amdani.