Llywydd Cffi Llangeitho – cyn aelod sydd dal yn ei milltir sgwâr.

Hannah Parr yw ein llywydd ni eleni. Dyma bwt o’i hanes hi.

Mae wed’i magu yn Llangeitho ond bellach yn byw yn Llanon. Mae dal i deithio nôl i Langeitho i weld y ceffylau bron yn ddyddiol.

Beth yw dy Swydd?: ‘Rwy’n Athrawes y Gymraeg yn Ysgol Bro Pedr.’ (Yn ogystal â hyn mae Hannah wedi sefydlu busnes newydd yn Aberaeron cofiwch alw heibio i’w gweld os ydych yn yr ardal.)

Beth oedd dy hoff gystadleuaeth?: ‘Anodd dewis ond y Siarad Cyhoeddus a’r Barnu Stoc (ceffylau)’

Pa brofiadau newydd ges di trwy’r ffermwyr ifanc?: ‘Bron popeth!! Does dim un peth yn sefyll allan mwy na’r llall gan fod gymaint o brofiadau newydd wedi gyflawni ers ymaelodi gyda’r Clwb.’

Beth yw y wers fwyaf gwerthfawr ddysgais di o’r CFFI?: ‘Rhowch gynnig ar bopeth.  Mae cyfleoedd diri ac roedd y clwb a’r mudiad mor gefnogol o bob dim a phob un.’

Beth oedd dy lwyddiant fwyaf gyda mudiad?: ‘Ennill Siaradwyr Ifanc y flwyddyn o dan 16 ym Mhencampwriaeth Cenedlaethol Siarad Cyhoeddus Saesneg yn Stoneleigh yn 2005.’

Hoff Noson yn Clwb?: Socials! Gymaint o hwyl a sbri gyda chlybiau eraill!

‘Hawdd iawn ydy datgan, heb y cyfleoedd ces i gyda Chlwb C.Ff.I Llangeitho ac C.Ff.I Ceredigion, ni fyddaf yn mwynhau’r holl brofiadau mae gen i’r fraint o allu eu profi nawr! Dwi’n sylwebydd yn Sioe Frenhinol Cymru a Horse of the Year Show a dwi’n sicr mai o achos fy mhrofiadau fel aelod o fudiad gorau’r byd rwyf wedi magu’r hyder a’r ddawn i fedru gwneud hyn.’

Diolch o galon i Glwb C.Ff.I Llangeitho a’i holl swyddogion dros y blynyddoedd.

Os ydych chi wedi gwylio y rhaglenni’r Sioe Frenhinol a’r Ffair Aeaf ar S4C byddwch wedi’i gweld hi yn sylwebi ar yr adran geffylau.