gan
Enfys Hatcher Davies
Y llythrennau eiconig yn eu lle a chriw Sioe’r CFfI yn joio chips o’u blaen.
Cerrig yr Orsedd yn barchus. Mae nhw’n torri’r borfa o gwmpas y cerrig bron bob dydd!
Llwyfan y Babell Lên
Bach o bwdel sych o dan draed, ond dim angen welis!
Llwyfan y Llannerch
Emlyn yn cadw pawb a phopeth yn ddiogel.
Y Babell Lên
Gwyddoniaeth A Thechnoleg
Llwyfan y Maes
Bar Williams Parry. Does dim Bar Gwyrdd eleni. Dyma’r bar sydd yn y lle bwyd. (yr hen batio bwyd) mae gyferbyn â Llwyfan y Maes.
Y Tŷ Gwerin yn y pellter
Y Pentre Drama
Dau Brif Stiward yn fishi. Fe welwch chi nhw’n mynd o gwmpas y maes ar y bygi.
Y fynedfa, yr unig fynedfa i’r mes. (mae mwy o bethau’n agored eleni gan gynnwys y fynedfa. Does dim cymaint o adeiladau caeedig gwyn.)
Cwt Gwybodaeth. Os oes cwestiwn gyda chi, eisiau map neu eisiau mynd ar daith dywys, dyma’r lle i chi. Mae ger y fynedfa.
Stondin y Papurau Bro
Pentre Ceredigion
Platied
Pawb yn crwydro.
Pawb yn gwrando ar Gwenllian
Heno, buodd criw Bro360 ar Faes Eisteddfod Genedlaethol Ceredigion yn Nhregaron yn busnesa!
Shwt mae’n edrych?
Wel dyma rannu ambell lun gyda chi fel diweddariad.
Mae’n faes hyfryd – digon o le a digon o bethau i weld a gwneud.
Ambell ddarn o wybodaeth handi:
-Mae Maes Parcio i’r anabl sydd â bathodyn glas ger y fynedfa. Cofiwch ddilyn yr arwyddion.
-Os oes angen sgwter neu gadair olwyn ar rywun, mae’n syniad da i’w bwcio o flaen llaw. Byddan nhw ar gael yn y fynedfa.
-Mae teithiau tywys o gwmpas y maes yn digwydd bob dydd yn ystod yr wythnos. 11 a 2 o’r gloch. Mae’r teithiau yma’n ddefnyddiol i ymwelwyr newydd, dysgwyr neu ymwelwyr di-gymraeg. Man cwrdd yw’r caban “Gwasanaeth” ger y fynedfa.
Mae mwy o fanylion ewch i wefan yr Eisteddfod trwy glicio yma.