gan
Hefin Evans
coaster crwn
pwysau papur sgwâr
Mae bron tair blynedd ers i’r cyn-ddisgyblion gwrdd yn Llanrwst. Methwyd cynnal cyfarfod blynyddol nôl yn 2020 gan fod y cyfnod clo wedi dechrau. Prynhawn Gwener Awst 5 am un o’r gloch fydd siawns i bawb ymgynnull at ei gilydd yng Nghymdeithasau 1 ar faes yr Eisteddfod.
Mae’r siaradwr gwadd eleni wedi bod yn aros yn amyneddgar am ddwy flynedd. Nid oes angen rhagarweiniad arno. Mae’r enw, Mr Lyn Ebenezer, yn dweud y cwbwl!
Mae’r gymdeithas wedi penderfynu comisiynu dau ddarn o gynhyrchion llechi, fel cofrodd, gan fod yr Eisteddfod ar stepen drws yr hen ysgol uwchradd. Mi fydd coaster gron ar werth am £5, a phwysau papur sgwâr am £10, yn cael ei lansio a’i dosbarthu ar y diwrnod.
Gobeithio y gwelwn wynebau cyfarwydd â rhai sydd heb fod yn yr aduniad o’r blaen.
Os am fwy o wybodaeth neu rhagarchebu un o’r swfenîrs, cysylltwch â ysgoluwchraddtregaron22@gmail.com
Mae un peth arall ar y gweill i gofio’r diwrnod, ond mae rhaid i chi fod yna i weld beth ydi o.